Sooloprojektiq
Heinast hobu (2022)
Võnkav klavvõrikiil eläs uma elo vassaralüügi ja vildisumbutusõ vaihõl, a tä om õks pidolik, herksä, hallõ, kalǵ, igätsõv vai ilolidsõ süämegä. Lühküplaat “Heinast hobu” sai valmis 2022. aastaga suvõ lõpun Pärimusmuusika Aida residentuurin ja keskendüs klavvõrilõ. Perimuslikku materjali olõ-õi sjoole pillile ülearvo pallo säetü ja Kaisa suuv väegä klavvõrit kodomaisõl perimusmuusiga maastigul rohkõmb esilõ nõsta.
Plaadi pääl tegevä üten Pihlapi Meelis (basskitarr) ja Kirsipu Tõnis (lüükpilliq).
Üles võtt ja peräntüüdel Ellervee Marcus.
Kullõ võrgun:
Nupud (2021)
Kuslapuu Kaisa: “Karmoška-autoriplaat “Nupud” võtt kokko mõtlõmisõ ja tundmisõ, mille olõ karmoška mängmisest saanu. Plaadi päälkiŕa ja nimiluu all mõtlõ mittõ õnnõ pillinuppõ, a ka naid, miä luudusõn ommava: pungi aig om õigõ lühkü, a tuu iist küländ herksä. Lehe vai häitsme puhkõminõ om edimält nädälidõ, sõs päivi küsümüs. Tuusama sünnüs, ku pilli kätte võtat: egä hetk või miski hinnäst liigutada, võrsuda, vallalõ minnäq. Sääne sisõminõ palaminõ võinu olla ka tandsijidõ nink muusigu ja kullõja vaihõlisen suhtõn – säänest joudu olõgi püüdnü plaadil edesi anda.”
Üles võtt ja peräntüüdel Leima Matis.
Kullõ võrgun: